Casa con vistas ás Cíes en Nerga (ref.4228)

Casa en Nerga, nun dos lugares máis espectaculares das Rías Baixas, na contorna das Illas Cíes, Cabo Home e Viñó, co seu pinar e praias nudistas nunha natureza virxe.

As vistas son panorámicas ao mar e ás Illas Cíes desde calquera punto da casa. Ofrece un espazo exterior para gozar, como pode ser unha zona de barbacoa con mesa de pedra, un xardín tamén con vistas e mobiliario de xardín, e outra terraciña na entrada da casa.

En planta baixa, dispón de dous dormitorios, unha cociña independente totalmente equipada (sen lavalouzas), e unha sala de estar orientada ao oeste. A casa é totalmente luminosa, con todas as estancias exteriores. O baño conta cun plato de ducha.

Hai un lavadoiro tradicional e servizo de lavadora nunha bodega. Cabe destacar que o coche queda fóra da propiedade, pero hai aparcadoiros dispoñibles.

A casa conta con calefacción eléctrica.

Non se admiten mascotas.

Alúgase equipada con roupa de cama e menaxe de cociña. Requírese fianza, cuxo importe dependerá da duración da estadía. Para reservar é necesario o anticipo equivalente a un terzo do prezo do aluguer.

Non se realizará ningún cargo adicional por consumos de auga e luz (están incluídos no prezo). As reservas non coincidentes cos meses ou quincenas tradicionais, ou para semanas soltas, poden non ser aceptadas ou poden supoñer variación dos prezos indicados na tarifa.