Vivenda con vistas ao mar en segunda liña de praia (ref.4473)

Piso de dous dormitorios, con cociña independente completa (lavalouzas), con saída a unha terraza con vistas á Ría de Vigo e á montaña (orientación sueste), con toldos, un amplo salón-comedor e un baño con ducha e bañeira.

Situado a 150 metros da praia urbana de Rodeira e a 5 minutos andando do centro de Cangas, con todos os servizos a man.

O edificio conta con ascensor e garaxe (ao cal chega o ascensor).

A calefacción é por acumuladores eléctricos e o ACS (auga quente sanitaria) por termo eléctrico.

Non se admiten mascotas.

Alúgase equipado con roupa de cama e enxoval de cociña. Requírese fianza, cuxo importe dependerá da duración da estancia. Para reservar é necesario o anticipo equivalente a un terzo do prezo do aluguer.

Non se realizará ningún cargo adicional por consumos de auga e luz (están incluídos no prezo). As reservas non coincidentes cos meses ou quincenas tradicionais, ou para semanas soltas, poden non ser aceptadas ou poden supor variación dos prezos indicados na tarifa.

Inscrito no Rexistro de vivendas de uso turístico da Xunta de Galicia. Sinatura: VUT-PO-014952.