Dispoñible para
alugueiro de longa duración este magnífico
dúplex a estrear, na
Zona Vella de Cangas, en pleno centro, a 200 metros do Paseo Marítimo, da Estación de Autobuses e da Estación Marítima.
Conta con dúas plantas de vivenda con espazos
diáfanos e moi luminosos. Na planta alta atópase o espazo de cociña-comedor, cun
amplísimo ventanal e balcón corrido á rúa do Arco, orientación sur, soleado durante todo o día e con vistas parciais á ría de Vigo, ademais de velux con apertura manual para achegar aínda máis claridade. A cociña está
amoblada e equipada con electrodomésticos novos (cociña, campá extractora, forno, microondas, neveira, lavalouza e lavadora).
Na planta inferior temos o espazo destinado ao dormitorio, con 3 ventás balconeiras á rúa e un cuarto de baño completo con ducha.
Todas as ventás son de aluminio, oscilobatentes e de
dobre cristal con rotura de ponte térmica. A calefacción é mediante chan radiante por sistema de
aerotermia, igual que a auga quente sanitaria, garantindo así un consumo eficiente.
Chans de baldosa cerámica e estética actual con varanda de aceiro inoxidable no acceso entre plantas.
Non se admiten mascotas.
Alúgase sen mobles e non inclúe praza de garaxe nin rocho.
A parte arrendataria farase cargo dos gastos de luz, auga e lixo, quedando a cargo da parte arrendadora o recibo do IBI.
A fianza esixida é equivalente a unha mensualidade de renda máis media mensualidade como garantía adicional. Será imprescindible a formalización dun Seguro fronte a Impagos.
En Lares non cobramos honorarios á parte inquilina en contratos de vivenda habitual, conforme á normativa vixente.
A información deste anuncio é de carácter informativo e non contractual. Pode conter erros, cambios de prezo ou ser retirada sen aviso previo.