Inmuebles en Alquiler Vacacional (9 atopados)

Apartamento na rúa Longán,  moi preto da praia de Rodeira e a uns minutos a pé do centro da vila de Cangas.

Situado no cuarto andar dun edificio de nova construción, trátase dun piso tremendamente luminoso e moi asoallado durante todo o día. Todo exterior e con luces en todos os ocos, mesmo no baño o cal dispón dun gran prato de ducha con mampara.

Componse de dous grandes dormitorios con camas de matrimonio e armarios encaixados, cociña independente con combi e mesa de comedor, e un gran salón-comedor aberto ao recibidor. Dispón dun estupendo sofá cama para tres prazas no salón. Ten ascensor e rocho e garaxe no edificio do lado.

Non se admiten mascotas.

Alúgase amoblado, equipado con roupa de cama e enxoval de cociña. Requírese unha fianza, que dependerá da duración da estancia. Para reservar é necesario o anticipo equivalente a un terzo do prezo do aluguer.

Non se realizará ningún cargo adicional polo consumo de auga e luz. As reservas para estancias non coincidentes cos meses ou quincenas tradicionais poden non ser aceptadas ou poden supor variación dos prezos indicados na tarifa.

Vivenda incluida no Rexistro de Vivendas de Uso Turístico de Galicia: (ENTRADA 1973 / RX 1263004)

Casa de pedra de estilo rústico, situada enfronte á praia de Area Cova en Aldán (Cangas), con xardín duns 800 m2 aproximadamente e ben comunicada coa vía rápida do Morrazo.

Moi preto de espazos naturais, carreiros e varias praias (Area Cova, Francón, Menduiña).

Conta con dúas plantas e unha espectacular terraza con vistas á Ría de Aldán.

A planta baixa dispón dun enorme soportal con grellada e entrando atopámonos co salón, cociña e un baño con ducha.

Subindo por escaleiras interiores de madeira, chegamos á primeira planta na que se atopa un espazo diáfano no que se poden colocar unha cama dobre e catro individuais con saída cara a terraza anteriormente citada; e un dormitorio con cama dobre.

Non dispón de calefacción e a ACS (auga quente sanitaria) é a gas butano.

Dispón de wi-fi e un amplo espazo para garaxe no que poden entrar tres vehículos.

Alúgase amoblada, equipada con roupa de cama e enxoval de cociña.

Valórase a admisión de mascotas.

Requírese fianza, cuxo importe dependerá da duración da estancia. Para reservar é necesario o anticipo equivalente a un terzo do prezo do aluguer. As reservas para semanas ou non coincidentes cos meses ou quincenas tradicionais poden non ser aceptadas ou poden supor variación dos prezos indicados na tarifa.

Inmoble inscrito no rexistro de vivendas de uso turístico coa clave: TU986D RITGA-E-2023-001512; SINATURA: VUT-PO-009460.-