Piso céntrico con ascensor, garaxe e rocho (ref.2200)

Piso á venda no centro de Cangas, exterior, aberto a unha pequena praza na fachada nordés do edificio e situado na primeira planta.

Situado preto da Rúa Real e á beira do colexio de Nazaret, no casco antigo, ben comunicado coa vía rápida, a través da Avenida de Vigo e a 5 minutos andando de todos os servizos.

Distribuído en dous dormitorios, un de matrimonio e outro de camas dobres con acceso a unha terraza pechada. Cociña independente totalmente equipada, con salón-comedor luminoso e un amplo baño xeral con bañeira.

A calefacción é por acumuladores eléctricos e o ACS (auga quente sanitaria), por termo eléctrico.

Dispón de praza de garaxe na planta de semisótano, do mesmo xeito que o seu rocho e o edificio conta con ascensor.

A través do garaxe do edificio accédese a unha zona común axardinada.

Excelente oportunidade de conseguir a súa vivenda en pleno centro de Cangas.